Հակակոռուպցիոն կոմիտեում քննվող քրեական վարույթի շրջանակներում այսօր ձերբակալվել են Երևանի քաղաքապետարանի աշխատակազմի նախկին ղեկավար Սեյրան Մեջլումյանն ու ճարտարապետության և քաղաքաշինության վարչության պետի տեղակալ, վարչության պետի պաշտոնակատար Դավիթ Դալլաքյանը. այս մասին Radar Armenia-ն տեղեկացավ Հակակոռուպցիոն կոմիտեից։ 

Թե ի՞նչ գործի շրջանակներում են նրանք ձերբակալվել, իրավապահ կառույցից չմանրամասնեցին՝ նշելով, որ այդ կապակցությամբ իրենք հանդես կգան լրացուցիչ հաղորդագրությամբ։

Մեզ հայտնի դարձավ, որ այս քրեական վարույթը կապ չունի կորոնավիրուսի համավարակի օրերին ենթադրյալ չարաշահումների գործի հետ, որի շրջանակներում կալանավորվել է փոխքաղաքապետ Գևորգ Սիմոնյանը։