Այս տեսակետները մեզ համար ուժ չունեն․ Թուրքիայից արձագանքել են Հայոց ցեղասպանության մասին ԵԽ զեկույցին

Թուրքիայի ԱԳ նախարարության խոսնակ Թանջու Բիլգիչը մեկնաբանել է Եվրախորհրդարանի 2023 թվականի մարտի 15-ի «ԵՄ-Հայաստան հարաբերությունները» վերտառությամբ հերթական զեկույցում 1915 թ․ Հայոց Ցեղասպանության վերաբերյալ պնդումները։

Արտաքին գործերի նախարարության պաշտոնական ներկայացուցիչ, դեսպան Բիլգիչը ԵԽ զեկույցի առնչությամբ իր գրավոր պատասխանում, մասնավորապես, նշել է. 

«Հասկանալի է, որ Եվրախորհրդարանը 2023 թվականի մարտի 15-ի «ԵՄ-Հայաստան հարաբերություններ» իր սովորական զեկույցում պնդում է անհիմն որակումներ է տալիս մեր երկրի վերաբերյալ՝ կապված 1915 թվականի իրադարձությունների հետ»։

«Պատմական փաստերի և միջազգային իրավունքի հետ անհամատեղելի այս տեսակետները մեզ համար ուժ չունեն։ Կոչ ենք անում Եվրախորհրդարանին գործել քաղաքական բարոյականության և միջազգային իրավունքի համաձայն և չկրկնել նման միակողմանի և անհիմն հայտարարությունները»,- ասված է ԱԳՆ հայտարարության մեջ։