ՏԵՍԱՆՅՈՒԹ. Ադրբեջանում Իրանի դեսպանատան դիմաց բողոքի ակցիա է տեղի ունեցել

Թեհրանում անհետացած Ֆարիդ Սաֆարլիի հարազատները բողոքի ակցիա են կազմակերպել Ադրբեջանում Իրանի դեսպանատան դիմաց:

Վերջինս մարտի սկզբին մեկնել էր Իրան՝ իրանցի աղջկա հետ հանդիպելու, որից հետո նրա հետ կապը կորել է։

Իրանում եղած ժամանակ նա իր ընկերներին խնդրել է իր համար գնել Թեհրան-Ստամբուլ-Բեռլին չվերթի հետադարձ տոմս։

 «Սակայն Ստամբուլի օդանավակայանում մեզ ասացին, որ նա չի օգտվել այս չվերթից։ Ուրբաթ օրվանից որդուս մասին լուր չունեմ։ Երևի նրան ձերբակալել են կամ այլ բան է պատահել», -ասել է Ֆարիդի մայրը:

Ավելի վաղ պաշտոնական Բաքուն նոտա էր հանձնել Թեհրանին։ Նույն կերպ Բաքուն քաղաքականացնում է Իրանում Ադրբեջանի դեսպանատանը տեղի ունեցած կենցաղային հանցագործությունը, որի հետևանքով սպանվել էր դիվանագիտական ներկայացուցչության թիկնազորի պետը