Հայաստանը միտումնավոր խուսափում է պայմանագրի ստորագրումից և փորձում է ժամանակ շահել. Հաջիև

Հայաստանը միտումնավոր խուսափում է խաղաղության պայմանագրի ստորագրումից և փորձում է ժամանակ շահել: Այս մասին ասել է Ադրբեջանի նախագահի օգնական Հիքմեթ Հաջիևը:

Նա նաև ասել է. Ղարաբաղում բնակվող հայերի իրավունքների և անվտանգության հարցը Ադրբեջանի ներքին գործն է, և Ադրբեջանը իր ինքնիշխանության հետ կապված հարցեր չի քննարկի այլ կողմերի հետ, այդ թվում՝ Հայաստանի Հանրապետության:

«Ղարաբաղյան հակամարտությունը լուծված է, Ղարաբաղը Ադրբեջանի տարածքն է, Ադրբեջանի համար Ղարաբաղի հարցը դուրս է միջազգային օրակարգից։

Ղարաբաղում ապրող հայերի իրավունքներն ու անվտանգությունը կորոշվեն Ադրբեջանի Սահմանադրությանը և օրենքներին համապատասխան։ Հայ բնակիչներին հատուկ արտոնություններ չեն սպասվում»,- ասել է Հաջիևը։

Հարկ է հիշեցնել, որ ՀՀ կառավարությունն` ի դեմս վարչապետ Նիկոլ Փաշինյանի և ՀՀ ԱԳՆ նախարար Արարատ Միրզոյանի բազմիցս հայտարարել են խաղաղության պայմանագրի կարևորության և դրա ստորագրման պատրաստակամության մասին, իհարկե, այն պարտադիր պայմանով, որ խաղաղության պայմանագիրը պետք է իրական խաղաղության և անվտանգության երաշխիք հանդիսանա: