Վրաստանի խորհրդարանն առաջին ընթերցմամբ ընդունեց օտարերկրյա գործակալների մասին աղմկահարույց օրենքը
Վրաստանի խորհրդարանական մեծամասնությունը երեքշաբթի առաջին ընթերցմամբ աջակցել է օտարերկրյա գործակալների գրանցման վերաբերյալ քննարկվող օրինագծերից մեկին։ Ընդդիմադիր խմբակցությունները դեմ են քվեարկել, գրում է Interfax․ru-ն։
«Օտարերկրյա ազդեցության թափանցիկության մասին» օրենքի նախագիծը, որը մշակել էին «Ժողովրդի իշխանություն» խմբակցության մի խումբ պատգամավորներ, առաջին ընթերցմամբ ընդունվեց։
Օտարերկրյա գործակալների գրանցման մասին մեկ այլ օրենքի նախագիծը վրացերեն թարգմանությունն է 1939 թվականին ֆաշիզմի դեմ պայքարի համար ընդունված ամերիկյան գործող օրենքի։
Երկու օրինագծերն էլ, խորհրդարանական մեծամասնության պահանջով, կուղարկվեն Եվրախորհրդի Վենետիկի հանձնաժողով՝ փորձաքննության, որից հետո օրինագծերը կլսվեն և կընդունվեն երկրորդ և երրորդ ընթերցմամբ։
Օրինագծի քննարկումը երեքշաբթի տեղի ունեցավ խորհրդարանական մեծամասնության ներկայացուցիչների, որոնք համոզված են այս օրենքի ընդունման անհրաժեշտության մեջ, և ընդդիմության առճակատման ֆոնին, որը կարծում է, որ Վրաստանը այս կերպ փոխում է իր քաղաքական կուրսը եվրաինտեգրումից դեպի Ռուսաստան։
