ՌԴ-ի, Թուրքիայի, Սիրիայի և Իրանի միջև բանակցությունները կարող են տեղի ունենալ հաջորդ շաբաթ․ ՌԴ ԱԳՆ
Ռուսաստանն ու Թուրքիան ցանկանում են հաջորդ շաբաթ Մոսկվայում ԱԳ փոխնախարարների մակարդակով քառակողմ հանդիպում անցկացնել, սակայն մինչ այժմ Սիրիայի և Իրանի կողմից որևէ պատասխան չի եղել։ Այս մասին ТАСС-ին հայտնել է ՌԴ նախագահի՝ Մերձավոր Արևելքի և Աֆրիկայի երկրների հարցերով հատուկ ներկայացուցիչ, ՌԴ փոխարտգործնախարար Միխայիլ Բոգդանովը։
«Մենք դեռ բոլորից հաստատում չենք ստացել։ Սպասում ենք սիրիացիների և իրանցիների պատասխաններին, թե որքանով է դա նրանց հարմար», - ասել է նա։
Ինչպես պարզաբանել է ԱԳ փոխնախարարը, սա տեխնիկական հանդիպում է լինելու փոխարտգործնախարարների մակարդակով չորս երկրների նախարարների հանդիպմանը նախապատրաստվելու համար։
