ԼՈՒՍԱՆԿԱՐՆԵՐ․ Ջանքերի մեկտեղումը ի զորու է մեղմել բարդ իրավիճակը․ ԱՀ պետնախարար

«Ադրբեջանի կողմից շարունակվող Արցախի շրջափակման պայմաններում համախմբվածության, ինքնակազմակերպման ու կամավորագրման նախաձեռնությունը շարունակում է նոր թափ ստանալ: Ստեփանակերտից ու շրջաններից, ինչպես նաև Հայաստանի Հանրապետությունից ու Սփյուռքից ստացված արձագանքները մեզ ոգևորում և նոր ուժ են հաղորդում:

Հասարակական հիմունքներով պետական ծրագրերի իրագործմանն աջակցելու խնդրանքիս ի պատասխան՝ արդեն մի քանի օր է, հարյուրավոր երիտասարդներ ընդգրկված են ամենատարբեր աշխատանքներում:

Լիահույս եմ, որ նման կազմակերպվածությունն ու ջանքերի մեկտեղումը ի զորու է մեղմել, ապա նաև չեզոքացնել այն բարդ իրավիճակը, որը ստեղծվել է 44-օրյա վերջին պատերազմից հետո:

Շնորհակալություն եմ հայտնում բոլոր երիտասարդներին, ուսանողներին, օրենսդիր ու գործադիր մարմինների բոլոր այն ներկայացուցիչներին, ովքեր միասնականության կոչը անմիջապես վերածել են շոշափելի արդյունքների:

Ահա գործնականի վերածված առաջին քայլերը, կամավորականները բեռնաթափում և աջակցում են գարնանացան սերմերի բաշխման աշխատանքներին»,- գրել է Գուրգեն Ներսիսյանը

[64d207c1f984f5be10bc484c8713fa74.jpg]

[fbd34397942c145990568415a36ffa3e.jpg]

[04b7e88dd7498b2dc3d35a3d872d9423.jpg]

[f9abee84a3c3d49e7d3bdd6a27452d07.jpg]

[0ac6d5cee746d6f11d9cff08b5cfd9c2.jpg]