Իրանում 6 հոգու դատապարտել են մահապատժի
Ահվազի (Իրան) հեղափոխական դատարանը մահապատժի է դատապարտել 6 հոգու։ Այս մասին հայտնում է Tasnim News լրատվականը։
Լրատվականը հայտնում է, որ այս անձինք մեղադրվում են Բասիջի ուժերի երկու անդամների, ինչպես նաև ոստիկանի և մեկ զինվորի սպանության մեջ։
Մահվան դատապարտված վեց տղամարդիկ Ահվազի արաբական ազատության շարժման անդամներ են, որը 1999 թվականից ակտիվ գործունեություն է ծավալում Իրանի Խուզիստան նահանգում: Իրանում կազմակերպված ռազմական ու քաղաքացիական օբյեկտների մի շարք պայթյուններից ու գնդակոծություններից հետո այս շարժումը ճանաչվեց որպես ահաբեկչական կազմակերպություն։ Նրա նպատակն է Իրանից Խուզիստան նահանգի անջատումը և արաբական պետության ստեղծումը։
