Կրակոցների ձայներ՝ Գյումրիում․ համայնքապետարանը հորդորում է խուճապի չմատնվել
Գյումրու համայնքապետարանը ֆեյսբուքյան պաշտոնական էջով դիմել է համաքաղաքացիներին և հորդորել կրակոցներ լսելու դեպքում խուճապի չմատնվել, քանի որ, ինչպես նշվում է գրառման մեջ, յուրաքանչյուր ուրբաթ՝ ժամը՝ 16:00-18:00-ն, ռուսական 102 ռազմական բազայի զինվորական տարածքներում անցկացվում են զորավարժանքներ։
«Ինչպես տեղեկացնում են Գյումրիում տեղակայված ռուսական 102 ռազմաբազայից՝ յուրաքանչյուր ուրբաթ ժամը՝ 16:00-18:00-ն, ռուսական 102 ռազմական բազայի զինվորական տարածքներում, զորքերի մարտունակության պահպանման համար անցկացվում են զորավարժանքներ:
Մեր ազգաբնակչությանը հորդորում ենք, քաղաքի տարածքում կրակոցների ձայներ լսելիս խուճապի չմատնվել»,- նշվում է հաղորդագրությունում:
