Արեւմուտքը չի թաքցնում, որ ԱՊՀ տարածքում աշխատում է ընդդեմ Ռուսաստանի․ Լավրով
Արեւմտյան երկրները չեն թաքցնում, որ աշխատում են ԱՊՀ-ում, որ այդ երկրները բարեկամական հարաբերություններ չպահպանեն Ռուսաստանի հետ։ Այս մասին հինգշաբթի հայտարարել է ՌԴ ԱԳ նախարար Սերգեյ Լավրովը Նյու Դելիում G20-ի ԱԳ նախարարների խորհրդի նիստի արդյունքներով կայացած մամուլի ասուլիսում։
«Այն, որ մենք այժմ ականատես ենք ոչ միայն ամերիկացիների, այլև եվրոպացիների, բրիտանացիների ակտիվության աճին, իհարկե, զարգացող աշխարհում և հատկապես ԱՊՀ-ում, ընդամենը գիծ է, չեն թաքցնում, որ այնտեղ աշխատում են, որպեսզի այդ երկրները լավ հարաբերություններ չպահպանեն Ռուսաստանի Դաշնության հետ»,- ասել է ռուսական դիվանագիտության ղեկավարը։
Նախարարը նշել է, որ Մոսկվան գիտի, թե ինչ փաստարկներ են օգտագործում արեւմտյան երկրները։ «Եթե դուք փորձեք սահմանել կվինտեսենցիան, սա է՝ «անցեք հաղթողի կողմը, Ռուսաստանը կփլուզվի, ուստի նախօրոք որոշեք», և ես չեմ չափազանցնում», - ընդգծել է Լարովը։
«Սակայն ևս մեկ անգամ կրկնում եմ, մենք միշտ կողմ ենք, որ յուրաքանչյուր երկիր որոշի իր առաջնահերթությունները: Մենք ելնում ենք ոչ միայն ըմբռնումից, մենք գիտենք, որ մեր հարևանները, մեր գործընկերները, դաշնակիցները ՀԱՊԿ-ում, Եվրասիական տնտեսական միությունում, ԱՊՀ-ում իրենց բոլոր շփումներում հաստատում են հավատարմությունը այն պարտավորություններին, որոնք իրենք ստանձնել են այդ ինտեգրացիոն կառույցների շրջանակներում»,- ամփոփել է ՌԴ ԱԳՆ ղեկավարը։
