ՏԵՍԱՆՅՈՒԹ. «Էդ երևի անցած տարվանից ասել եմ՝ 0 արդյունք». Հրաչյա Սարգսյան
«Մենք ամեն տարի ճանապարհների սպասարկման համար գումար ենք հատկացնում, և դրանք Հյուսիս-Հարավի նոր ճանապարհներն են, որոնք անցնում են Երևանի միջով»,-Երևանի քաղաքապետարանի գործակարգավարական խորհրդակցության ժամանակ ասաց քաղաքապետ Հրաչյա Սարգսյանը` հանձնարարելով մրցույթ հայտարարել և ֆինանսական միջոցներ հատկացնել:
Քաղաքապետը հայտնեց, որ պետք է այդ ճանապարհների ընթացիկ սպասարկումներ իրականացվեն, որ դրանք միշտ բարեկարգ վիճակում լինեն:
«Երեկ Աշտարակ-Դավթաշեն հատվածում և քաղաքով բավականին պտտվում էի և այնտեղ խնդիրներ կան, որ պետք է լուծվի: Պարոն Սարգսյան ձեզ էլ է վերաբերվում, այնտեղ նշանների խնդիր կա, էդ երևի անցած տարվանից ասել եմ՝ 0 արդյունք»,-ասաց քաղաքապետը և դիմելով Տրանսպորտի վարչության պետի ժամանակավոր պաշտոնակատար Հայկ Սարգսյանին` առաջարկեց 3-շաբաթյա ժամկետով հանձնարարական ձևակերպել:
Մանրամասները` տեսանյութում:
