Ադրբեջանը Իրանի քաղաքացիների՝ Արցախ այցի վերաբերյալ պարզաբանումներ է պահանջում
Ադրբեջանի փոխարտգործնախարարը Էլնուր Մամեդովը հայտարարել է, որ Իրանը դեռևս պարզաբանումներ չի տվել Արցախ իր քաղաքացիների այցի վերաբերյալ: Այս մասին գրում են ադրբեջանական լրատվամիջոցները:
Ադրբեջանի ԱԳ ներկայացուցիչը կրկին անհիմն մեղադրանքներ է հնչեցրել հայկական կողմի հասցեին՝ հայտարարելով, թե իբր «Հայաստանը կրկին շահագրգռված է Լաչինի ճանապարհի ապօրինի օգտագործման մեջ»:
Նա «ապօրինի օգտագործման» տրամաբանության ներքո է դիտարկել նաև Իրանի Իսլամական Հանրապետության որոշ քաղաքացիների այցը Արցախ, ինչի վերաբերյալ ադրբեջանական կողմը Իրանից պարզաբանումներ է պահանջում:
Հիշեցնենք, որ Ադրբեջանի Հանրապետությունում Իրանի Իսլամական Հանրապետության դեսպանությունը նոտա է ստացել նախորդ տարվա դեկտեմբերին ԻՀՀ քաղաքացիների կողմից Արցախ կատարած այցելությունների վերաբերյալ:
