Զելենսկին անձամբ կայցելի ՆԱՏՕ-ի գագաթաժողովին. հայտնի է` ինչ է ակնկալում Ուկրաինան այդ հանդիպումից
Ուկրաինայի նախագահ Վլադիմիր Զելենսկին նախատեսում է անձամբ այցելել ՆԱՏՕ-ի գագաթաժողով, որը տեղի կունենա հուլիսին Վիլնյուսում։ Սա է մեր ծրագիրը, BNS-ին տված հարցազրույցում ասել է Լիտվայում Ուկրաինայի դեսպանը։
«Ուկրաինան հույս ունի, որ գագաթաժողովի մասնակիցները շատ հստակ կհամաձայնեն, որ պատերազմն ավարտվելուն պես Ուկրաինան կդառնա ՆԱՏՕ-ի անդամ»,-ասել է դեսպանը:
Հիշեցնենք, որ մոտ մեկ տարի առաջ Ուկրաինայում հակամարտության սկսվելուց ի վեր Զելենսկին կատարել է միայն երկու արտասահմանյան ուղեւորություն՝ դեկտեմբերին Վաշինգտոն, իսկ փետրվարին՝ Լոնդոն, Փարիզ և Բրյուսել: Վիլնյուսում հուլիսի 11-12-ին կայանալիք գագաթաժողովին ներկա կլինեն Հյուսիսատլանտյան դաշինքի առաջնորդների մեծ մասը, այդ թվում՝ ԱՄՆ նախագահ Ջո Բայդենը։
