Արևմուտքը ամոթից չի մաքրվի․ Պուտին

Ռուսաստանի նախագահ Վլադիմիր Պուտինը հայտարարել է, որ արևմտյան երկրները երբեք չեն մաքրվի ամոթից այն բանից հետո, ինչ արեցին Հարավսլավիայում, Լիբիայում և այլ երկրներում։ Այս մասին նա հայտարարել է Դաշնային ժողովին ուղղված ամենամյա ուղերձի ժամանակ։

Նախագահի խոսքով, երբ Դոնբասը «բոցավառվում էր», իսկ Ռուսաստանը անկեղծորեն ձգտում էր խաղաղ լուծման, արեւմտյան երկրները «խաղում էին մարդկանց կյանքի հետ»։

Նա նշել է, որ նման «խաբեության մեթոդը» նախկինում արդեն մեկ անգամ չէ, որ փորձարկվել է։

«Նրանք վարվեցին նույնքան երկակի՝ ավերելով Հարավսլավիան, Իրաքը, Լիբիան, Սիրիան։ Այս ամոթից նրանք երբեք չեն մաքրվի։ Պատիվ, վստահություն, պարկեշտություն հասկացությունը նրանց համար չէ»,- ասել է Պուտինը։