Քաղաքականություն

Պետք է ատամ ցույց տալ․ Զատուլինը՝ Բաքվից Կիև ուղարկաված օգնության մասին

Պետք է ատամ ցույց տալ․ Զատուլինը՝ Բաքվից Կիև ուղարկաված օգնության մասին
Ռուսաստանը պետք է արձագանքի ԱՊՀ գծով գործընկերների` Ուկրաինային ուղղված աջակցությանը։ «Գովորիտ Մոսկվա» ռադիոկայանի եթերում այս հայտարարությունն է արել Պետդումայի ԱՊՀ գործերով, եվրասիական ինտեգրման և…

Ռուսաստանը պետք է արձագանքի ԱՊՀ գծով գործընկերների` Ուկրաինային ուղղված աջակցությանը։ «Գովորիտ Մոսկվա» ռադիոկայանի եթերում այս հայտարարությունն է արել Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը։

 

Ավելի վաղ Ուկրաինայի նախագահ Վլադիմիր Զելենսկին Ադրբեջանի նախագահին շնորհակալություն էր հայտնել աջակցության և ցուցաբերած մարդասիրական օգնության համար։

 

«Ադրբեջանն Ուկրաինա սպառազինություն է մատակարարում, 2022 թվականի արտադրության ականներ է մատակարարում, մենք դրա վրա աչք ենք փակում։ Ստիպված ենք փակում, քանի որ սրացում չենք ուզում։ Մենք փորձում ենք պահել սահմանը, բայց պետք է ժամանակ առ ժամանակ ատամներ ցույց տանք», – ասել է Զատուլինը։

 

Քաղաքական գործիչը համոզված է` Ռուսաստանին կդադարեն հարգել, եթե Մոսկվան չարձագանքի հարևան պետությունների` Ուկրաինային ուղղված աջակցությանը։

 

«Հիմա ոչ միայն Ադրբեջանի մասին եմ խոսում, այլ նաև Ղազախստանի հետ կապված, բոլոր մյուսների», – հավելել է նա։

 

Մամուլն ավելի վաղ գրել էր, որ Ադրբեջանը նախորդ տարվա արտադրության 120 մմ ականներ է մատակարարել Ուկրաինա։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250