ԵՄ դիտորդների առաքելությունը կարող է վտանգ դառնալ հարաբերությունների կարգավորման համար․ Ադրբեջանի խոսնակ

ԵՄ առաքելություն Հայաստան ուղարկելը կարող է խոչընդոտել Բաքվի և Երևանի միջև հարաբերությունների կարգավորման գործընթացին, ասել է Ադրբեջանի Միլլի Մեջլիսի (խորհրդարանի) խոսնակ Սահիբա Գաֆարովան։

«ԵՄ դիտորդական առաքելության քողի տակ արտաքին ուժեր ուղարկելը Հայաստան՝ Ադրբեջանի հետ սահմանին, և դրանց չարաշահումը կարող է վտանգ դառնալ հարաբերությունների կարգավորման գործընթացի համար և դրանից պետք է խուսափել»։ 

Նա նշել է, որ իր այս դիրքորոշումը Հայաստանում Ադրբեջանի հետ սահմանին Եվրամիության դիտորդական առաքելության տեղակայման առնչությամբ Ռուսաստանում կայացած հանդիպումների ժամանակ ևս հայտնել է:

Շաբաթվա սկզբին Մոսկվայում Գաֆարովայի հետ հանդիպման ժամանակ էր Ռուսաստանի Պետդումայի խոսնակ Վյաչեսլավ Վոլոդինը պնդել, թե «Եվրախորհրդարանի և ԵԽԽՎ ներգրավումը ղարաբաղյան հակամարտության լուծմանը նոր խնդիրներ կստեղծի»: