Վրաստանի իշխող կուսակցությունը` Սաակաշվիլիի շուրջ իրավիճակի մասին
Վրաստանի իշխող կուսակցությունը մեկնաբանել է երկրի նախկին նախագահ Միխեիլ Սաակաշվիլիի փաստաբանների հայցը, որոնք որոշել են բողոք ներկայացնել Մարդու իրավունքների եվրոպական դատարան։ Այս մասին գրում է Sputnik Грузия-ն։
«Եթե գոնե մեկ անգամ դատարանը թույլ տա նախադեպ, երբ մարդն արհեստականորեն նիհարում է, և դա դառնա նրա ազատ արձակման հիմքը, ապա ոչ մի բանտ այլևս չի կարողանա աշխատել»,- ասել է «Վրացական երազանք» կուսակցության ղեկավար Իրակլի Կոբախիձեն:
Հիշեցնենք, որ Սաակաշվիլիի փաստաբանները որոշել են դիմել Մարդու իրավունքների եվրոպական դատարան այն բանից հետո, երբ դատարանը մերժել է նախկին նախագահի ազատ արձակումը կամ հետաձգումը առողջական պատճառներով։
