Եթե մենք առևտուր ենք անում Ալիևի հետ, ապա միջազգային իրավունքը կեղծիք է. ֆրանսիացի պատգամավոր
Իլ դը Ֆրանսի շրջանային խորհրդի պատգամավոր Պատրիկ Քարամը, ելույթ ունենալով Ֆրանսիայի ասորա-քաղկեդոնական ասոցիացիայի ժողովում, խոսել է ի պաշտպանություն Մերձավոր Արեւելքի քրիստոնյա ժողովուրդների՝ հայտարարել է.
«Եթե Էրդողանը մարդկության դեմ հանցագործ չհամարվի, ով աջակցում է Իրաքի և Լևանտի իսլամական պետություններին, այս ամենը սպառնալիք է Եվրոպային` մեզ մոտ ուղարկելով միգրանտներ և ահաբեկիչներ: Եթե մենք առևտուր ենք անում հանցագործ Ալիևի հետ, ով սպանում է հայերին, ապա միջազգային իրավունքը կեղծիք է»։
Քարամի կարծիքով՝ Արեւմուտքը իր քաղաքակրթության համար պարտական է այս քրիստոնյաներին:
«Մեր սերնդի համար ողբերգություն կլինի տեսնել Արևելքի վերջին քրիստոնյաների անհետացումը»,- հավելել է քաղաքական գործիչը:
