Պետք է դիմահար կրակով ոչնչացնեին. Արսեն Թորոսյանը` «Համերի» վարորդի մասին
Երևանի ավագանու «Իմ քայլը» խմբակցության անդամ Աշոտ Սարգսյանը ֆեյսբուքյան իր էջում անդրադարձել էր պարեկների գործողություններին` հրապարակում տեղի ունեցած արտակարգ դեպքի վերաբերյալ: Սարգսյանը գրել է, որ պարեկների գործողությունները պետք չէ թերագնահատել:
«Ի վերջո քաղաքի կենտրոն, բազմամարդ փողոցներ, ու նման անկառավարելի վարորդ, կարծում եմ պետք էր զգույշ գործել, ցանկացած պահի հնարավոր է բախվեր այլ մեքենաների կամ բազմաթիվ մարդկանց վրաերթի ենթարկեր փախուստի դիմելուց»,-գրել է Թորոսյանի նախկին խորհրդականը:
Նրա գրառման տակ մեկնաբանություն է թողել Արսեն Թորոսյանը.
«Պետք է դիմահար կրակով ոչնչացնեին հենց բարձրացավ մայթի վրա՝ կվիրավորվեր, թե կզոհվեր, կարևոր չի»:
