ԱՄՆ-ը պետք է տեր կանգնի Արցախի հայ ժողովրդին. կոնգրեսականները շարունակում են պատժամիջոցներ պահանջել Ադրբեջանի դեմ

ԱՄՆ Կոնգրեսի Ներկայացուցիչների պալատի անդամ Թեդ Լեյն ասել է, որ ԱՄՆ իշխանությունները պետք է պատասխանատվության ենթարկեն Ադրբեջանին` Արցախում հումանիտար ճգնաժամ ստեղծելու համար։ Այս մասին Լեյը գրել է Twitter-ի իր միկրոբլոգում։

Թեդ Լեյը  դատապարտում է Ադրբեջանի կողմից Արցախի շրջափակումը, որի արդյունքում 120,000 հայեր 2 ամսով զրկվեցին սննդից, վառելիքից և դեղորայքից։  Լեյն ասել է, որ հպարտ է իր մասնակցությամբ բանաձեւի նախապատրաստմանը եւ նշել, որ Միացյալ Նահանգները պետք է տեր կանգնի Արցախի հայ ժողովրդին։

Կոնգրեսական Աննա Էշուն մասնավորապես ասել է, որ հպարտ է լինել Արցախի դաժան շրջափակումը դատապարտող երկկուսակցական բանաձևի սկզբնական համահեղինակը և Ջո Բայդենի վարչակազմին կոչ անելով պատասխանատվության ենթարկել Ալիևի ռեժիմին՝ պատժամիջոցներ կիրառելով Ադրբեջանի պաշտոնյաների նկատմամբ և դադարեցնել ԱՄՆ ռազմական օգնությունը։ Ադրբեջանին։

«Արդեն երրորդ ամիսն է, ինչ շարունակվում է Ադրբեջանի կողմից Արցախի դաժան շրջափակումը, և ԱՄՆ-ն պետք է ակտիվացնի իր ջանքերը՝ արհեստականորեն ստեղծված այս հումանիտար ճգնաժամին վերջ տալու համար»,- գրել է Էշուն Twitter-ի իր միկրոբլոգում։