Ռուսաստանը Հայաստանին չի դիմել Սյունիքի մարզում հյուպատոսություն բացելու հարցով
Ռուսաստանը Հայաստանին չի դիմել Սյունիքի մարզում հյուպատոսություն բացելու հարցով, ArmeniaSputnik-ին հայտնել են ՌԴ դեսպանատան մամուլի ծառայությունից։ Դեսպանատան միջոցով հայկական կողմին դիմումներ չեն փոխանցվել։
Ավելի վաղ «Ժողովուրդը» գրել էր, որ Կապանում Իրանի գլխավոր հյուպատոսության բացումից հետո նման ցանկություն էր հայտնել ՌԴ դեսպանատունը։ Թերթը պարզաբանումների համար հարցում է ուղարկել Հայաստանի ԱԳՆ, որտեղից պատասխանել են, որ Հայաստանը Ռուսաստանից պաշտոնական առաջարկ չի ստացել։
