ՄԻՊ–ն արձագանքել է փաստաբաններին և անչափահասներին ծեծելու դեպքին

ՀՀ մարդու իրավունքների պաշտպանի աշխատակազմում փաստաբաններին ծեծի ենթարկելու դեպքի առթիվ սեփական նախաձեռնությամբ սկսել են քննարկման ընթացակարգ։ Տեղեկությունը հրապարակվել է ՄԻՊ–ի ֆեյսբուքյան էջում։

«Դատապարտելի և անթույլատրելի է բռնության ցանկացած դրսևորում, հատկապես իր մասնագիտական գործունեությունն իրականացնող փաստաբանի նկատմամբ: Հետևողական ենք լինելու այս գործի արդյունավետ քննության իրականացման և մեղավորներին պատասխանատվության ենթարկեու հարցում»,– ասված է հաղորդագրությունում։

Ավելի վաղ հայտնել էինք, որ փետրվարի 8-ին ՀՀ ներքին գործերի նախարարության ոստիկանության Էրեբունու բաժնում ծեծի են ենթարկվել փաստաբաններ Մարզպետ Ավագյանն ու Էմանուել Անանյանը, դրանից առաջ ոստիկանության նույն բաժնում բռնության են ենթարկվել նաև փաստաբանների անչափահաս պաշտպանյալները։