Զելենսկին հայտնել է, որ ինքն է որոշել չկատարել Մինսկի պայմանավորվածությունները
Ուկրաինայի նախագահ Վլադիմիր Զելենսկին հայտարարել է Մինսկի պայմանավորվածությունները չկատարելու միակողմանի որոշման մասին, գրում է Говорит Москва-ն:
Նշվում է, որ այս փաստաթուղթը ստորագրվել է Գերմանիայի, Ռուսաստանի, Ֆրանսիայի, Ուկրաինայի, ինչպես նաև ԴԺՀ-ի և ԼԺՀ-ի ղեկավարների կողմից 2015 թվականի փետրվարին։
Ուկրաինայի նախագահը Spiegel-ին ասել է, որ ինքն է որոշել չկատարել ՄԱԿ-ի Անվտանգության խորհրդի կողմից հաստատված բանաձեւի պայմանները։
«Ես Էմանուել Մակրոնին և Անգելա Մերկելին ասացի` մենք չենք կարողանա դրանք իրականացնել», - ասել է Զելենսկին հարցազրույցում։ Նրա խոսքով՝ նույն բանն ասել է նաև ՌԴ նախագահ Վլադիմիր Պուտինին:
Ֆրանսիական Le Figaro-ին տվածլ հարցազրույցում էլ Զելենսկին նշել է, որ Մինսկի համաձայնագրերը «զիջում են Ռուսաստանին», և «անհնար է» դրանք իրականացնել։
