Հնարավորություն ենք տալու, որ կանայք 6 ամիս ժամկետային զինծառայություն անցնեն․ Փաշինյան

Մենք հնարավորություն ենք տալու, որ կանայք կամավորության հիմունքներով վեց ամիս ժամկետային զինծառայություն անցնեն, որից հետո իրենք նույնպես կարող են «Պաշտպան հայրենյաց»-ի տրամաբանությամբ անցնել ավելի երկարաժամկետ զինծառայության։ Այս մասին կառավարության նիստի ժամանակ ասաց վարչապետ Նիկոլ Փաշինյանը։

Փաշինյանը Սուրեն Պապիկյանին  հարցրեց, թե երբ կարող են կանայք դիմումներ գրել 6-ամսյա զինծառայություն անցնելու վերաբերյալ։ 

«Ամեն ինչ կանենք, որ ձմեռային զորակոչին հասցնենք, դժվարանում եմ ասել ամառայինին կհասցնենք, թե ոչ, ամեն ինչ կախված է մեր արագությունից»,- պատասխանեց Պաշտպանության նախարար Սուրեն Պապիկյանը։

«Մենք խնդիր ենք դրել, որ մեր կանանց համար նոր և թարմ ենթակառուցվածքներ լինեն, որպեսզի նոր բովանդակությամբ ու թարմությամբ սկսենք այդ գործընթացը, նոր էջ է իրենց համար», արձագանքեց Փաշինյանը։