ԵՄ առաջնորդները հրաժարվել են կատարել Զելենսկու գլխավոր խնդրանքը. Bloomberg

Եվրոպացի առաջնորդները պատրաստակամություն չեն ցուցաբերել Ուկրաինա ուղարկել ժամանակակից կործանիչներ` չնայած ուկրաինացի առաջնորդ Վլադիմիր Զելենսկու խնդրանքին` Փարիզ կատարած այցի ժամանակ:Այս մասին հաղորդել է Bloomberg-ը` հղում տալով  ԵՄ-ի անանուն աղբյուրին:
 

«Եվրոպացի առաջնորդներնը Վլադիմիր Զելենսկուն հստակ հայտնել են, որ իրենք պատրաստ են Ուկրաինային հավելյալ ռազմական օգնություն ցուցաբերել, սակայն դեռևս ոչ ոք կործանիչների տրամադրման պարտավորություն չի ընդունել»,- նշվում է հրապարակման մեջ:

Հիշեցնենք, որ Կիևը Արևմուտքից պահանջում է կործանիչներ և հեռահար հրթիռներ:  Մեծ Բրիտանիայի վարչապետ Ռիշի Սունակը չի բացառել, որ Ուկրաինայի ԶՈւ-ն կստանա F-16, սակայն ուկրաինացի օդաչուներին ուսուցում պետք կգա: Լեհաստանում հայտնել են կործանիչների տրամադրման պատրաստակամության մասին միայն այն դեպքում, երբ ՆԱՏՕ-ի անդամ երկրները համատեղ որոշում կկայացնեն: ԱՄՆ նախագահ Ջո Բայդենը, ինչպես նաև Ֆրանսիայի առաջնորդ Էմանուել Մակրոնը, անտեսել են Կիևի խնդրանքը:Այնուամենայնիվ Զելենսկու գրասենյակը տեղեկացրել է, թե «հեռահար հրթիռների և կործանիչների հարցը Ուկրաինայի համար լուծված է»: