Թուրքիայում երկրաշարժի զոհերի թիվը գերազանցել է 9000-ը
Թուրքիայում տեղի ունեցած հզոր երկրաշարժի հետևանքով զոհերի թիվը հասել է 9057-ի։ Այս մասին հայտնում է РИА Новости-ն` հղում տալով Թուրքիայի նախագահ Ռեջեփ Թայիփ Էրդողանին:
Երկրի նախագահն այդ հայտարարությունն արել է Հաթայ նահանգում ունեցած ելույթի ժամանակ։
«Այս պահի դրությամբ զոհերի թիվը 9057 է, վիրավորներինը՝ 52979»,- ասել է Էրդողանը։
Հիշեցնենք, որ ավելի վաղ հաղորդվել էր 8574 զոհի և 49133 վիրավորի մասին։ Երկրաշարժի հետևանքով փլուզվել է 6444 շինություն։