Արևմուտքը Կիևին F-16 կործանիչներ չի մատակարարի
Արևմուտքը չի ցանկանում Ուկրաինային մատակարարել F-16 կործանիչներ՝ ցամաքային զենիթահրթիռային համակարգերի ռուսական ցանցի պատճառով, գրում է The Spectator-ը։
«Ուկրաինական շփման գծի երկինքը ծածկված է ռուսական հակաօդային պաշտպանության բազմաթիվ «շերտերով»՝ հայտնի S-400 Triumph հակաօդային պաշտպանության համակարգով»,- ասվում է գրառման մեջ։
Վլադիմիր Զելենսկին Արևմուտքից խնդրել է, որպեսզի ինքնաթիռներ և հեռահար հրթիռներ ուղարկի, սակայն ԱՄՆ վարչակազմի որոշ ներկայացուցիչներ լոբբինգ են իրականացրել Ուկրաինայի զինված ուժերին F-16 կործանիչների տրամադրման համար։
Ֆրանսիայի նախագահ Էմանուել Մակրոնը, ընդհակառակը, թույլատրել է ռազմական ինքնաթիռներ մատակարարել Ուկրաինային։
Հաղորդվում է, որ այժմ Փարիզն ուսումնասիրում է Կիևի իշխանությունների խնդրանքը՝ ուկրաինացի օդաչուների վերապատրաստման վերաբերյալ։
Ռուսաստանը ՆԱՏՕ-ի երկրներին նոտա է հղել անցյալ տարվա գարնանը՝ Ուկրաինային զենք մատակարարելու պատճառով։ Արտաքին գործերի նախարար Սերգեյ Լավրովը նշել է, որ Ուկրաինայի համար զենք պարունակող ցանկացած բեռ կդառնա օրինական թիրախ Ռուսաստանի օդատիեզերական ուժերի համար։
