«Իրավիճակը գնալով սրվում է, ռուսներն ավելի շատ ուժեր են նետում մարտի դաշտ». Զելենսկի
Իրավիճակը ռազմաճակատում գնալով սրվում է, հատկապես բարդ է՝ Բախմուտում, Լիմանսկում և այլ ուղղություններով, այս մասին երեկոյան տեսաուղերձում հայտնել է Ուկրաինայի նախագահ Վլադիմիր Զելենսկին։
«Ռուս զավթիչներն ավելի շատ ուժեր են նետում մարտի դաշտ, որպեսզի կոտրեն մեր պաշտպանությունը»,- նշել է նա:
Այսօր հաղորդվել է նաև, որ ռուսական զորքը հրթիռակոծել է Խարկովի կենտրոնը: Զոհերի և ավերածությունների մասին տեղեկությունները ճշտվում են:
Խարկովի շրջանային վարչակազմի ղեկավար Օլեգ Սինեգուբովը բնակիչներին խորհուրդ է տվել մնալ ապաստարաններում։
Նշվում է, որ հրթիռներից մեկն ընկել է բնակելի թաղամասի վրա:
