ՏԵՍԱՆՅՈՒԹ․ Տղամարդը տաքսի է գողացել՝ ուղեւորով․ ՌԴ
ՌԴ Կրասնոյարսկի երկրամասի ոստիկանությունը փնտրում է անհայտ տղամարդուն, ով երկու ժամվա ընթացքում գողացել է երկու մեքենա, այդ թվում՝ տաքսի՝ ուղեւորով։ Այս մասին հայտնում է ՆԳՆ մարզային վարչության Telegram ալիքը։
Առեւանգումները կատարվել են նախօրեին Բերեզովսկի շրջանում։ Նախ՝ Տերենտևո գյուղում առևանգողը նստել է Toyota Probox մակնիշի ավտոմեքենայի ղեկին, որի սեփականատերը բանալիները թողել էր մեքենայի վրա։
Սակայն տղամարդը այդ մեքենայով վթարի է ենթարկվել և ստիպած է եղել թողնել այն։
Երկու ժամ անց բենզալցակայանում նստել է Honda Civic տաքսիի ղեկին, որի մեջ ուղևոր է եղել։ Հարցին, թե ո՞ւր է գնացել վարորդը, առևանգողն ասել է, որ այժմ տաքսու վարորդն ինքն է։
Ուղևորի խնդրանքով իրավախախտը կարճ ժամանակ անց իջեցրել է նրան, օգնել է պայուսակը հանել բեռնախցիկից և հեռացել է։