Մեդվեդևն ասել է՝ ինչ կլինի, եթե Կիևը սկսի հարվածներ հասցնել Ղրիմին

Եթե Վաշինգտոնն իսկապես ցանկանար ավարտել պատերազմը (Ուկրաինայում), որն ինքն էլ հրահրել էր, ապա կարող էր դա անել մատի սեղմումով։ Այս միտքը հայտնել է Ռուսաստանի Անվտանգության խորհրդի փոխնախագահ Դմիտրի Մեդվեդևը լրագրող Նադան Ֆրիդրիխսոնին տված հարցազրույցում, որը հրապարակվել է նրա Telegram ալիքում։

Այսպիսով, ՌԴ Անվտանգության խորհրդի փոխնախագահը մեկնաբանել է լրագրողի հարցն այն մասին, որ Բայդենի վարչակազմի մտահղացմամբ՝ Ուկրաինային ավելի ժամանակակից զենք ուղարկելը և Ղրիմում ռուսական օբյեկտներին հարվածներ հասցնելու Կիևին թույլ տալը Ռուսաստանին կստիպեն բանակցություններ վարել Ուկրաինայի հետ։

Ռուս քաղաքական գործչի կարծիքով՝ արդյունքը ճիշտ հակառակն է լինելու։

«Ոչ մի բանակցություն այս դեպքում չի լինի, կլինեն միայն հատուցման հարվածներ։ Այսպես կարող են տրամաբանել միայն բարոյական հրեշները, որոնք բավականացնում են թե Սպիտակ տանը, թե Կապիտոլիումում։ Ի դեպ, Պենտագոնում մարդիկ ավելի ադեկվատ են, նրանք հասկանում են հետեւանքները», - կարծում Է Մեդվեդեւը։

Պատասխանելով այն հարցին, թե ինչպիսին կարող է լինել Մոսկվայի պատասխանը, եթե Կիևը Նահանգների թույլտվությամբ սկսի հարվածներ հասցնել Ղրիմին, ՌԴ Անվտանգության խորհրդի փոխնախագահն ասել է, որ այն կլինի արագ, կոշտ և համոզիչ: 

«Մեր պատասխանը կարող է լինել ցանկացած ձևով։ Այդ մասին միանշանակ ասել Է Ռուսաստանի նախագահը։ Մենք մեր առջև ոչ մի սահմանափակում չենք դնում և, կախված սպառնալիքների բնույթից, պատրաստ ենք կիրառել բոլոր տեսակի զենքերը։ Կարող եմ ձեզ հավաստիացնել, որ պատասխանը կլինի արագ, կոշտ և համոզիչ», - նշել է նա։