«Գազային համաձայնագրի նախագիծը հարված է հայերի թիկունքին». Բրունո Ռետայո
«ԵՄ-ի և Ադրբեջանի միջև գազային համաձայնագրի նախագիծը հարված է հայերի թիկունքին։ Մենք չենք կարող պաշտպանել զոհերին՝ դահիճների հետ սակարկելով»։ Այս մասին հայտարարությամբ է հանդես եկել Ֆրանսիայի Սենատի «Հանրապետականներ» խմբակցության նախագահ Բրունո Ռետայոն:
«Ֆրանսիայի անունից Էմանուել Մակրոնը պետք է դատապարտի այս չարագործ համաձայնագիրը»,-հավելել է ֆրանսիացի պատգամավորը:
Հիշեցնենք՝ Ադրբեջանը դեկտեմբերի 12-ից առ այսօր փակ է պահում Արցախը Հայաստանին և ամբողջ աշխարհին կապող միակ ճանապարհը:
