Վուչիչը նշել է այն պայմանը, որի դեպքում կաջակցի Ռուսաստանի դեմ պատժամիջոցներին
Սերբիայի իշխանությունները չեն աջակցի Ռուսաստանի դեմ պատժամիջոցներին, քանի դեռ երկրի կենսական շահերը սպառնալիքի տակ չեն հայտնվել, ռազմական չեզոքությունը Բելգրադի պաշտոնական քաղաքականությունն է, հայտարարել Է Սերբիայի նախագահ Ալեքսանդր Վուչիչը: Տեղկատվությունը փոխանցում է ՌԻԱ Նովոստին:
Վուչիչն այսպիսով պատասխանել է «Միասին հանուն Սերբիայի» կուսակցության առաջնորդ Նեբոյշա Զելենովիչի կոչին՝ աջակցել Ռուսաստանի դեմ պատժամիջոցներին և նշել, որ Բելգրադն արդեն 350 օր է, ինչ հրաժարվում է դրանցից:
«Մենք չենք փոխի մեր քաղաքականությունը, Սերբիան չի հրաժարվի դրանից, եթե միայն սպառնալիքի տակ չհայտնվեն մեր երկրի կենսական շահերը։ Իսկ ես իրավիճակն այնպես եմ գնահատում, որ նրանք դեռ վտանգի տակ չեն։ Երբ հայտնվեն, չեմ վնասի նրանց հանուն որեւէ այլ երկրի», - հայտարարել Է Վուչիչը խորհրդարանականներին։
Նա հավելել է, որ պետք է լավ հարաբերություններ պահպանել ՉԺՀ-ի եւ ՌԴ-ի հետ:
