«Ովքեր ակնկալում են մեզ հաղթել մարտի դաշտում, չեն հասկանում, որ ՌԴ-ի դեմ պատերազմը շատ ուրիշ է լինելու». Պուտին
Ռուսաստանը բարեկամական հարաբերություններ ունի աշխարհի շատ երկրների հետ։ Այս մասին հայտարարել է ՌԴ նախագահ Վլադիմիր Պուտինը։ Տեղեկատվությունը փոխանցում է 360tv.ru-ն:
«Ռուսաստանը շատ ընկերներ ունի ամբողջ աշխարհում, այդ թվում ՝ Եվրոպայում և Հյուսիսային Ամերիկայում։ Մենք դա գիտենք ՝ չնայած արևմտյան ծախու քարոզչության բոլոր ջանքերին», — ասել է նա։
Պետության ղեկավարը նշել է ռուս ժողովրդի բնավորության ամրության պատմական հատկությունները:
«Մեր բնավորության մեջ է ճշմարտությունը։ Հենց դա օգնեց մեզ տապալել նացիզմը։ Հանուն ճշմարտության անհնարինն անելու և մինչև վերջ գնալու պատրաստակամությունը ռուս ժողովրդի արյան մեջ է», — հավելել է նա։
Բացի այդ, Ռուսաստանի ղեկավարը գնահատել է այն փաստը, որ պետության սահմանների մոտ կրկին հայտնվել են գերմանական տանկեր։
«Ուղղակի անհավատալի է, որ մեզ կրկին սպառնում են Leopard տանկերով։ Նրանք, ովքեր ակնկալում են մեզ հաղթել մարտի դաշտում, չեն հասկանում, որ Ռուսաստանի դեմ պատերազմը շատ ուրիշ է լինելու։ Մենք մեր տանկերը նրանց սահմաններ չենք ուղարկել։ Միայն զրահատեխնիկան մեզ չի բավականացնի, սա պետք է բոլորը հասկանան»,- հավելել է Պուտինը։
