ՆԱՏՕ-ն ստիպված կլինի ընտրել` կամ Թուրքիա, կամ Շվեդիա ու Ֆինլանդիա. ՆԱՏՕ-ի ուժերի նախկին հրամանատար
ՆԱՏՕ-ի ուժերի նախկին հրամանատար Ջեյմս Ստավիրդիսն անդրադարձել է Թուրքիայի և Շվեդիայի ու Ֆինլանդիայի միջև շարունակվող լարվածությանը, գրում է Ermenihaber-ը: Թուրքիան շարունակում է սպառնալ երկու սկանդինավյան երկրներին՝ նշելով, որ իր համաձայնությունը չի տա նրանց անդամակցությանը ՆԱՏՕ-ին, եթե չկատարվեն իր պահանջները:
Ավելի վաղ էլ Էրդողանը առաջ էր քաշել նոր թեզ, ըստ որի, եթե Ֆինլանդիան ցանկանում է ՆԱՏՕ-ի անդամ դառնալ, ապա պիտի իր հայտն առանձնացնի Շվեդիայից: Հայտնի է, որ սկանդինավյան երկրները միասին են ցանկանում դառնալ ՆԱՏՕ-ի անդամ:
Նախկին հրամանատարը զգուշացրել է, որ, եթե Թուրքիան շարունակի նման պահվածքը, ապա ՆԱՏՕ-ն ստիպված կլինի ընտրության առջև կանգնել. կամ Թուրքիա, կամ Շվեդիա ու Ֆինլանդիա:
