«120.000 արցախահայերը նույն բանի հույսն ունեն». Le Figaro-ի փոխտնօրենը` Լաչինի միջանցքի շրջափակման մասին
Ֆրանսիական Le Figaro ամսագրի փոխտնօրեն Ժան-Քրիստոֆ Բյուսոն անդրադարձել է ադրբեջանցի կեղծ բնապահպանների կողմից Լաչինի միջանցքի շրջափակմանը:
«1915 թվականին Մուսա լեռան ցեղասպան թուրքական զորքերի կողմից 53 օր շրջափակումից (և գնդակոծությունից) հետո ֆրանսիացիներն ազատագրեցին 4000 հայի։ 2023 թվականին, 53 օր շրջափակված ադրբեջանական էթնոսպան ուժերի կողմից, 120,000 արցախահայերը նույն բանի հույսն ունեն»,-գրել է Le Figaro-ի փոխտնօրենը:
Հիշեցնենք` դեկտեմբերի 12-ից Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
