Կլիմայի փոփոխությունն ավելի մեծ վնաս է մարդկությանը, քան միջուկային պատերազմը. Բայդեն
Կլիմայի փոփոխությունը շատ ավելի մեծ սպառնալիք է ողջ մարդկության համար, քան միջուկային պատերազմը: Այս մասին լրագրողների հետ զրույցում ասել է ԱՄՆ նախագահ Ջո Բայդենը, գրում է Рен ТВ-ն։
«Սա մարդկությանը սպառնացող հիմնական էկզիստենցիալ սպառնալիքն է, որին մենք երբևէ բախվել ենք, այդ թվում՝ միջուկային զենքը», - ասել է Բայդենը։
Նախօրեին The Indepent թերթը հայտնել էր, որ առաջիկա երաշտի պատճառով եվրոպական տարածաշրջանը կարող է հայտնվել աղետալի վիճակում։ Նման կատակլիզմը խանգարում է ստորերկրյա ջրերի լիցքավորմանը, և այդ հանգամանքը ոչնչացնում է կենդանիների բնակության վայրը, վնասում է գյուղատնտեսությանը և երկրում էներգիայի սուր պակաս է առաջացնում։
