«Հզորագույն ալիքներից մեկը կլինի Չինաստանի դեմ և ոչ հեռու ապագայում»․ Զախարովա
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Արևմուտքը Չինաստանի դեմ տեղեկատվական գրոհ է պատրաստում, այն կսկսվի առաջիկայում։
«Գլոբալ տեղեկատվական քարոզչական գրոհում արդեն իսկ նշմարվում է Չինաստանի խարիսխը։ Քարոզչության առումով նրանք դեռ պատրաստ չեն, քանի որ Չինաստանը պաշտպանված է տեղեկատվական առումով, Չինաստանի ներքին դաշտը պաշտպանված է։ Չինաստանի աշխատանքը դրսում լավ է կառուցված, վատ չէ, ռեսուրսներ կան։ Բայց ես համոզված եմ, որ հզորագույն ալիքներից մեկը կլինի Չինաստանի դեմ և ոչ հեռու ապագայում։ Նրանք այժմ պատրաստվում են դրան», – նշել է ՌԴ ԱԳՆ պաշտոնական ներկայացուցիչը։
Զախարովան ասել է, որ Արևմուտքն իր նպատակներին հասնելու համար տեղեկատվական դաշտում մշտապես թվացյալ սպառնալիքներ է ձևավորում, և որ արևմտյան քարոզչության մեջ Ռուսաստանն արդեն 10 տարի է նման դեր է խաղում։
