Լրագրողներին հարցազրույց տված դասակի հրամանատարն ազատվել է ծառայությունից. փաստաբան

Գեղարքունիքի մարզի Ազատ գյուղում տեղակայված ինժեներասակրավորային վաշտի կացարանում բռնկված հրդեհից հետո լրագրողներին հարցազրույց տված դասակի հրամանատարն ազատվել է ծառայությունից։ Այս մասին հաղորդել է նրա փաստաբան Արսեն Բաբայանը։

«Հարցազրույցից հետո` հաջորդ օրն ազատվել է` սեփական դիմումի համաձայն։ Քարոզչական իմաստով և ծառայությունից հեռացնելու առումով նրա վրա մեծ ճնշում է գործադրվել»,- ասել է փաստաբանը:

Բաբայանը նշել է, որ մեկ անգամ դասակի հրամանատարը հարցաքննվել է։