Լոս Անջելեսում դաշնային կառավարության շենքի առջև բողոքի ցույց և քայլարշավ է կազմակերպվել դեպի Ադրբեջանի հյուպատոսարան: Այս մասին գրում է «Ամերիկայի Ձայն»-ը։

Նշվում է, որ հայ համայնքի մեծ թվով ներկայացուցիչներ պահանջել են բացել` Լաչինի միջանցքն ու պատժամիջոցների ենթարկել Ադրբեջանին։

Հիշեցնենք, որ 40 օրից ավելի է, ինչ Ադրբեջանը «բնապահպանական» խնդիրների պատրվակով փակել է Արցախը Հայաստանին և արտաքին աշխարհին կապող միակ ճանապարհը՝ Լաչինի միջանցքը, որի հետևանքով 120 հազար բնակիչ կանգնել է  հումանիտար ճգնաժամի առաջ։