«Պուտինն ուղղակի մոլորեցնում էր»․ Զելենսկի
Ռուսաստանի հետ բանակցային գործընթացը տեղում դոփել է 8 տարի։ Այս մասին հայտարարել է Ուկրաինայի նախագահ Վլադիմիր Զելենսկին Sky News-ին տված հարցազրույցում։
«Վլադիմիր Պուտինն օգտագործում է բանակցային գործընթացը՝ ժամանակ շահելու՝ վերականգնվելու և նորից հարձակվելու համար։ Ուստի նրա հետ խոսելն անիմաստ է»,-ասել է Ուկրաինայի նախագահը։
Զելենսկին ընդգծել է, որ Պուտինին իրական խաղաղ բանակցություններ պետք չեն։ Նա օգտագործում է դրանք ժամանակ շահելու համար:
«Մեծ պատերազմից առաջ տարիներ շարունակ Պուտինն ուղղակի մոլորեցնում էր, դրանք իրեն պետք չեն: Ռուսաստանի Դաշնությունը բանակցությունների մասին խոսում է միայն այն պահին, երբ պետք է վերախմբավորվի կամ երբ մեծ կորուստներ են կրում», - ասել է Ուկրաինայի նախագահը։
