Թուրքիայում նախագահական և խորհրդարանական ընտրություններ կլինեն

Թուրքիայի նախագահական և խորհրդարանական ընտրությունները տեղի կունենան մայիսի 14-ին, կիրակի հայտարարել է Թուրքիայի առաջնորդ Ռեջեփ Թայիփ Էրդողանը, գրում է Интерфакс-ը։

Այս ամսաթիվը նա հայտարարել է Բուրսա նահանգում երիտասարդների հետ հանդիպման ժամանակ։

Սկզբում ընտրությունները նշանակված էին հունիսի 18-ին, սակայն Էրդողանը բազմիցս հայտարարել է, որ քվեարկությունը կարող է տեղի ունենալ ավելի վաղ։  Նրա կուսակցությունից նշել են, որ հունիսին կայանալիք ընտրությունները կհամընկնեն բարձր տուրիստական ​​սեզոնի հետ, ուստի ավելի լավ է դրանք հետաձգել։

Նախընտրական հարցումները ցույց են տալիս, որ թե՛ նախագահական, թե՛ խորհրդարանական ընտրություններում պայքարը կոշտ է լինելու։

Արևմտյան ԶԼՄ-ները գալիք ընտրություններն անվանում են Էրդողանի համար «ամենամեծ փորձությունը» վերջին 20 տարում։