Բլինքենն Ալիևին կոչ է արել անհապաղ բացել Լաչինի միջանցքը
ԱՄՆ պետքարտուղար Էնթոնի Բլինքենը Ադրբեջանի նախագահ Իլհամ Ալիևի հետ հեռախոսազրույցում Բաքվին կոչ է արել «անհապաղ» ապաշրջափակել Լաչինի միջանցքը՝ առևտրային ապրանքների շարժը վերականգնելու և հումանիտար ճգնաժամի ռիսկը նվազեցնելու համար, ինչպես նաև մտահոգություն է հայտնել Ադրբեջանում մարդու իրավունքների վերաբերյա, գրում է РИА Новости-ն:
Բացի այդ, Բլինքենը Ադրբեջանին հորդորել է կրկնապատկել ջանքերը Հայաստանի հետ երկկողմ խաղաղ բանակցություններում: Ըստ գերատեսչության հաղորդագրության՝ Բիլնքենն ընդգծել է, որ Լաչինի միջանցքում հումանիտար ճգնաժամի վտանգը խաթարում է Հայաստանի և Ադրբեջանի միջև խաղաղության հեռանկարները։
«Քարտուղարը հորդորել է նախագահ Ալիևին կրկնապատկել ջանքերը Հայաստանի հետ երկկողմ խաղաղ բանակցություններում»,- նշվում է Պետդեպարտամենտի հայտարարության մեջ։
