Սուրեն Պապիկյանը չի մասնակցել հանդիպմանը. ի՞նչ գրություն է ստացել Թագուհի Թովմասյանը
Ազգային ժողովի մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանն այսօր խորհրդարանում քննարկում էր կազմակերպել՝ «ՀՀ Զինված ուժերի ներկա վիճակի, բանակում առկա խնդիրների, դրանց լուծման ընթացքի և ուղիների վերաբերյալ» թեմայով:
Քննարկմանը հրավիրված են եղել ՀՀ պաշտպանության նախարարության ներկայացուցիչները:
«Բայց այսօր մեր նշանակված հանդիպումից մոտ 1 ժամ առաջ ստանում եմ Պաշտպանության նախարար Սուրեն Պապիկյանից գրություն առ այն, որ նպատակահարմար չի համարում այս հանդիպմանը մասնակցել կամ որևէ ներկայացուցիչ ուղարկել. ի՞նչ է սա, եթե ոչ անպատասխանատու վերաբերմունք առաջնային մանդատ կրող կառույցի նկատմամբ»,-նշեց Թովմասյանը:
