«Առաջարկում եմ կենտրոնանալ Ռուսաստանի նախագահի խոսքերի և հայտարարությունների վրա». Պեսկով

ՌԴ նախագահ Վլադիմիր Պուտինի մասնակի զորահավաքի մասին հրամանագիրը շարունակում է գործել, քանի որ նախատեսում է ոչ միայն անհրաժեշտ թվով քաղաքացիների զորակոչ, որն ավարտված է: Այս մասին երկուշաբթի լրագրողներին հայտարարել է պետության ղեկավարի մամուլի քարտուղար Դմիտրի Պեսկովը ՝ պատասխանելով այն հարցին, թե ինչու չի չեղարկվել զորահավաքի մասին հրամանագիրը, եթե այն ավարտված է։ Տեղեկատվությունը փոխանցում է ՏԱՍՍ-ը:

«Ինչ վերաբերում է մասնակի մոբիլիզացիայի կոչին, ապա այս գործընթացն ավարտված է: Եվ այստեղ ես առաջարկում եմ կենտրոնանալ Ռուսաստանի նախագահի խոսքերի և հայտարարությունների վրա: Բայց հրամանագիրը նախատեսում է նաև պաշտպանության նախարարության համար անհրաժեշտ այլ գործառույթներ», - ասել է Կրեմլի խոսնակը։

Նրա խոսքով` մասնակի մոբիլիզացիայի շրջանակներում զորակոչն իրականացվել է այնքան ժամանակ, քանի դեռ չի հասել զինված ուժերի կողմից հանձնարարված խնդիրների կատարման համար անհրաժեշտ սահմանված թվին: Այնուամենայնիվ, Պեսկովի խոսքով, բացի քաղաքացիների զինվորական ծառայության զորակոչից, մասնակի մոբիլիզացիան ներառում է նաև այլ միջոցներ, որոնք անհրաժեշտ են զինված ուժերի առաջադրանքները ապահովելու համար. դա կապված է զինվորականների կողմից պարտականությունների կատարման հետ և այլն։ 

«Այդ մասով այն շարունակում է աշխատել»,- ասել է Կրեմլի ներկայացուցիչը։