ԱՄՆ-ն «ՉՎԿ Վագներ»-ը կճանաչի որպես անդրազգային հանցավոր կազմակերպություն
ԱՄՆ-ը պատժամիջոցներ կկիրառի «ՉՎԿ Վագներ»-ի նկատմամբ՝ ճանաչելով այն որպես «անդրազգային հանցավոր կազմակերպություն»։ Այս մասին հայտնում է ТАСС-ը: Նշվում է, որ նման հայտարարություն է արել ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Ֆինանսների նախարարությունը «Վագներն» անվանում է լուրջ անդրազգային հանցավոր կազմակերպություն՝ համաձայն 13581 գործադիր հրամանի և դրա փոփոխությունների: Այս որակավորման հիման վրա հաջորդ շաբաթ մենք լրացուցիչ պատժամիջոցներ կկիրառենք խմբավորման և նրանց աջակցության համակարգի դեմ մի քանի մայրցամաքներում», - ասել է նա:
