Այսօր մահացած 15 զինծառայողներից Ռոստոմ Ասրյանը Լոռու մարզի Հոբարձի բնակավայրից է: Տեղեկությունը Auroranews-ի հետ զրույցում հաստատեց Հոբարձի վարչական նախկին ղեկավարը։ 

Նրա խոսքով՝ Ռոստոմը ժամկետային զինծառայող էր և դեռ գրեթե 1 տարի մնացել էր, որ զորացրվեր։ Նա նաև հավելեց, որ այս պահին ոստիկանության աշխատակիցները համայնքապետարանի շենքի մոտ են և գյուղ են գնացել հենց այդ հարցով։ 

Ռոստոմն ուներ քույր եւ եղբայր:  

Համայնքապետարանի աշխատակիցներից մեկն ավելի ուշ կապ հաստատեց մեզ հետ և նշեց, որ Ռոստոմի ծնողները տեղյակ չեն եղել, որ որդին զոհվել է։ «Նրանք իմացել են, որ տուն է այրվել և գնացել են Վարդենիս»,- նշեց համայնքապետարանի աշխատակիցը։