Մեդվեդևը զգուշացրել է` Ուկրաինայում Ռուսաստանի պարտությունը կարող է միջուկային պատերազմ հրահրել
Ուկրաինայում Ռուսաստանի պարտությանը հասնելու Արևմուտքի ցանկությունը կարող է հանգեցնել անուղղելի հետևանքների, այդ թվում՝ միջուկային պատերազմի հրահրման, կարծում է ՌԴ Անվտանգության խորհրդի ղեկավարի տեղակալ Դմիտրի Մեդվեդևը։
Ռամշտեյն բազայում ՆԱՏՕ-ի երկրների հանդիպման նախօրեին, որտեղ նախատեսվում է քննարկել Ուկրաինային նոր ծանր սպառազինությունների մատակարարման հարցը, Մեդվեդևը Telegram-ի իր ալիքում նշել է, որ արևմտյան քաղաքական գործիչները, ովքեր ձգտում են Ռուսաստանի պարտությանը, չեն գիտակցում, թե դա ինչ հետևանքներ կարող է ունենալ։ Նրա խոսքով՝ եզրակացությունը հետևյալն է՝ «միջուկային տերության պարտությունը հասարակ պատերազմում կարող է սկիզբ հրահրել միջուկային պատերազմ»։
«Միջուկային զենք ունեցող տերությունները չեն պարտվել խոշոր հակամարտություններում, որոնցից կախված է նրանց ճակատագիրը: Դա պետք է ակնհայտ լինի բոլորի համար»,- ասել է Մեդվեդևը:
