Բայդենի պահած գաղտնի փաստաթղթերի գործով կզբաղվի հատուկ դատախազը

ԱՄՆ նախագահ Ջո Բայդենի կողմից գաղտնի փաստաթղթերի սխալ պահման գործով նշանակվել է հատուկ դատախազ: Խոսքը Ռոբերտ Հոերի մասին է, լրագրողներին հայտնել է ԱՄՆ արդարադատության նախարար Մերիկ Գարլանդը։
 

«Փաստաթուղթը նրան լիազորում է հետաքննել՝ արդյոք այս գործի հետ կապված որևէ անձ կամ կազմակերպություն խախտել է օրենքը», - ասել է Գարլանդը։

Նա մանրամասնել է, որ Արդարադատության նախարարությունը հատուկ դատախազի աշխատանքն անընդհատ չի վերահսկելու։ Հոերը գործելու է անկախ, սակայն ենթարկվելու է նախարարության կանոններին, ընթացակարգերին և սկզբունքներին: