Մոսկվայի նախաձեռնությամբ Ուկրաինայի հարցով ՄԱԿ-ի ԱԽ նիստ կանցկացվի
ՄԱԿ-ում Ռուսաստանի ներկայացուցչի առաջին տեղակալ Դմիտրի Պոլյանսկին հայտարարել է Ուկրաինայի հարցով ՄԱԿ-ի Անվտանգության խորհրդի նիստի մասին՝ Մոսկվայի նախաձեռնությամբ հաջորդ շաբաթվա սկզբին։ Այս մասին գրում է RT-ն։
Հանդիպման թեման չի բացահայտվում։
«Առայժմ ես չեմ մանրամասնի, թե ինչ է լինելու Անվտանգության խորհրդում հաջորդ շաբաթվա սկզբին Ուկրաինայի հարցով մեր ներկայացրած փաստաթղթերից հետո։ թող մեր հակառակորդներն առայժմ չիմացության մեջ ապրեն»,- գրել է Պոլյանսկին Telegram-ի իր ալիքում։
Ներկայացուցչի առաջին տեղակալը հայտնել է նաեւ, որ հունվարի 20-ին Ռուսաստանը Անվտանգության խորհրդի ոչ պաշտոնական նիստ կանցկացնի՝ կապված Դոնբասի դեկտեմբերյան հրթիռակոծման հետ:
Ավելի վաղ հաղորդվել էր, որ ՄԱԿ-ի Անվտանգության խորհուրդը հունվարի 13-ին Ուկրաինայի հարցով նիստ կանցկացնի։ Այս մասին է վկայում Անվտանգության խորհրդի ծրագիրը։
