Գերմանիայի արտգործնախարարը չհայտարարված այցով Խարկով է մեկնել

Գերմանիայի արտաքին գործերի նախարար Անալենա Բերբոկի՝ Խարկով կատարած  չհայտարարված այցի մասին տեղեկացրել է Ուկրաինայի արտգործնախարար Դմիտրի Կուլեբան։

«Այսօր ես և Աննալենա Բուրբոկը եղանք Խարկովում, որին Ռուսաստանը մեծ տառապանք է պատճառել: Խարկովը դարձել է Ուկրաինայի հաջող հակահարձակումների խորհրդանիշը, ինչը վկայում է, որ գործընկերների բավարար աջակցությամբ Ուկրաինան կհաղթի: Չեմ կասկածում, որ Գերմանիայի ռազմական օգնությունը կշարունակի գալ»,- գրել է Կուլեբան «Twitter»-ում։

Ինչպես գրում են ռուսական ԶԼՄ-ները, Կուլեբան ասել է, որ Խարկով կատարած այցի ժամանակ ինքը Գերմանիայի արտգործնախարար Աննալենա Բուրբոկին բացատրել է Կիևին գերմանական Leopard ծանր մարտական ​​տանկեր տրամադրելու անհրաժեշտությունը։  Ճանապարհին բանակցությունները տեւել են երեք ժամ։

Վերջին մի քանի ամիսների ընթացքում Ուկրաինան Բեռլինից պահանջում էր իրեն գերմանական Leopard 2 մարտական ​​տանկեր մատակարարել, սակայն Գերմանիայի կանցլեր Օլաֆ Շոլցը բազմիցս հայտարարել է, որ Գերմանիան այս հարցում գործելու է միայն համաձայնեցնելով իր դաշնակիցների հետ։

Դեկտեմբերի 25-ին հրապարակվել են DPA գործակալության պատվերով YouGov սոցիոլոգիական ինստիտուտի անցկացրած հարցման արդյունքները, ըստ որոնց՝ Գերմանիայի քաղաքացիների 45%-ը դեմ է այդ տանկերը Կիեւ մատակարարելուն։